Pati 2-Dram nan Palè a ak decision Wa a.
**TIT:** **DANYÈL NAN PYÈJ: YON WA KI NAN DILÈM, YON JISTIS KI BLOKE**
**Eslogan:** *"Paske chak lavi konte, nou se gadò frè nou."*
### 🚨 LÈ NOUVÈL LA TONBE SOU WA DARIYIS
Depi lè gwo chèf yo te fin pran Danyèl an flagran deli k t ap priye sou jagon l, yo kouri pote plent lan bay Wa Dariyis. Yo di l: *"Danyèl, yonn nan jwif yo te mennen depòte yo, pa okipe lwa ou te siyen an!"*
Dapre sous nou yo andedan palè a, reyaksyon wa a pa t sa konplotè yo t t ap tann lan. Lè Wa Dariyis tande akizasyon an, **li te nan gwo lapenn epi kè l te rache**. Li te vin rann li kont yo te sèvi avè l pou yo te ka fè Danyèl mal.
### ⚖️ CHÈCHE CHEMEN POU SOUSTRÈ DANYÈL
Wa Dariyis pa t vle touye Danyèl menm. Rapò istorik yo (Danyèl 6:14) montre wa a te pase **tout rès jounen an, jouk solèy kouche**, ap chèche yon mwayen, yon fòmil legal, oswa yon eksèpsyon nan lwa a pou l te ka sove lavi Danyèl.
Men, konplotè yo te tounen vin mete presyon sou wa a. Yo fè l chonje lwa peyi Medi ak Pès yo: *Lè wa a fin siyen yon dekret, anyen pa ka chanje l ankò, pa menm wa a.* Jistis wa a te twouve l bloke pa pwòp lwa li te siyen anba lògèy.
### 🦁 LÒD LA TONBE: JETE NAN FÒS LYON AN
Lè wa a wè li pa gen okenn lòt chwa, li bay lòd pou yo arete Danyèl epi mennen l bò gwo twou lyon yo.
Anvan yo te lage Danyèl nan mitan bèt sovaj yo, Wa Dariyis pwoche bò kote l, li di l yon fraz ki montre jan li te gen espwa nan lafwa Danyèl:
> *"Mwen mande pou Bondye w ap sèvi san dekouraje a delivre w!"*
>
Yo jete Danyèl, yo mete yon gwo wòch pou bouche fòs la, epi wa a poze sele li ak bag li sou li pou pèsonn pa ka vin sove Danyèl an kachèt.
### 🛌 YON NUIT LANFÈ POU WA A (Nan Palè a)
Pandan Danyèl te nan mitan lyon yo, nan palè a, Wa Dariyis t ap pase pi move nwit nan lavi l:
* Li pase nwit lan **san l pa manje**.
* Li refize pou yo fè okenn fèt oswa amizman pou li jan sa te konn fèt.
* Li pa t ka **fèmen je l pou l dòmi** tèlman tèt li te cho pou Danyèl.
### ⚠️ AVÈTISMAN POU LÈSITÈ YO JODI A
Lèsitè, ka Wa Dariyis la pote yon gwo avètisman pou lidè yo ak nou chak jodi a:
1. **Veye sou desizyon w ap pran anba emosyon:** Wa a te siyen lwa a paske lògèy li te kontan lè yo t ap di l li se yon dye. Pa janm siyen yon papye oswa pran yon desizyon enpòtan lè moun ap flate w.
2. **Lènmi ka sèvi ak pwòp bouch ou kont ou:** Konplotè yo te itilize pwòp mo wa a pou yo detwi pi bon zanmi l ak pi bon travayè li te genyen. Veye sou sa w ap di.
3. **Lajistis moun limite:** Wa a te gen tout pouvwa sou tè a, men li pa t ka sove yon nonm ki inosan paske lwa l te mare l. Se Bondye sèl ki gen dènye mo a.
**[ 🔴 TRANSMISYON AP KONTINYE ]**
Lèsitè, jou a pral kase nan peyi Babilòn. Èske w prè pou n al gade akizasyon yo byen bonè nan maten pou n wè si lyon yo te fè nèg la depase, oswa si yon mirak te fèt?
Comments
Post a Comment